Ysgol Gynradd Gymunedol Nantgaredig

	
		
	

	
			
			
			

		
				
Previous
			
				
Next
			
			

		
			

		
				
			
		

	
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
			
			

				
									
										
							
			

			
						
				
		

				
					
	

	
	

CROESO I YSGOL NANTGAREDIG

Mae Ysgol Gymunedol Nantgaredig yn lle hapus. Mae’r athrawon a’r staff cynnal yn gweithio’n ddiflino ac ag arddeliad. Mae ganddynt berthynas dda â’r plant ac ymfalchïwn yn yr addysg eang, gytbwys a llawn a ddarparwn, safonau uchel yr addysg a’r dysgu a’r berthynas effeithiol sydd rhwng yr ysgol a’r cartref, a’r gymuned leol.

Mae’r Gymraeg yn cael lle amlwg ymhob agwedd o fywyd yr ysgol o ran iaith gwersi, iaith anffurfiol cymuned yr ysgol a rhown sylw i ddiwylliant gwerthfawr ein gwlad fel rhan annatod o gwricwlwm yr ysgol.

Rydym yn gwerthfawrogi ein disgyblion ac yn credu y dylai eu hamser yn yr ysgol fod yn werthfawr ac yn foddhaus.

‘Mae Ysgol Gynradd Nantgaredig yn ysgol hapus a chartrefol. Mae’r holl staff yn cydweithio’n effeithiol i greu ethos gofalgar, Cymreig a chynhwysol. Mae’r canolfannau dysgu ychwanegol yn rhan annatod o fywyd yr ysgol, gyda’r disgyblion i gyd yn elwa o’r profiadau cyfoethog a ddaw o gydweithio gyda’i gilydd. Mae ymddygiad ac agweddau at ddysgu’r disgyblion yn nodwedd gref o’r ysgol. Mae gan
y disgyblion lais cryf ym mywyd yr ysgol gyda chyfleoedd rheolaidd i holi staff a dylanwadu ar benderfyniadau. Mae llais y dysgwr, sef ‘Nantlais’ yn ffordd effeithiol o gynnwys syniadau disgyblion yn themâu’r ysgol. Maent yn dathlu eu llwyddiannau a’r ffaith fod pawb yn wahanol ac yn bwysig.’ – Adroddiad Estyn Mawrth 2022

Gallwch lawrlwytho llawlyfr yr ysgol o adran ‘Dogfennau’ y wefan. 

Ein nod yw sicrhau bod plant Ysgol Nantgaredig yn ddiogel ac yn hapus er mwyn dysgu.

Gweledigaeth y disgyblion: Dysgu heddiw ar gyfer gwell yfory

Gweledigaeth y Siarter Iaith:

Cadw’r Gymraeg yn fyw